மற்றவர் மகிழ்ந்திட
கற்றவர் வியந்திட
பெற்றவர் அதிர்ந்திட
உற்றதோர் சாகச சர்க்கஸ்!
எரியும் தீயில்
நுழைந்து வந்தால்தான்
எரியும் அடுப்பு இவர் வீட்டில்!
வளையத்துக்குள் நுழைந்து வெளியேறத் தெரிந்த இந்தக் கழைக்கூத்தாடிகளுக்கு வறுமையிலிருந்து வெளியேறத்தெரியாது!இவர்கள் அடிக்கும் மேளம்கூட தாளம் தப்பாகப் போடுகிறது!
மங்களோசை !அவை ஒருபோதும் எழுப்புவதே இல்லை!
இவர்கள் தடுமாறாமல் நடக்கிறார்கள்
கம்பிலும் கம்பியிலும் ,
ஆனால் வாழ்க்கையில் தடுமாறிக்கிடக்கின்றார்கள்!
வித்தைகாட்டவேப் பள்ளிகளுக்குச்செல்லும் இவர்கள்
வித்தை கற்க இப்போது தம் பிள்ளைகளை பள்ளியின்பக்கம் அனுப்பத் தொடங்கியுள்ளனர்!ஒருசான் வயிற்றுப்பாட்டுக்கு
கயிற்றிலாடும் இவர்கள் கைத்தட்டில் எழும் ஒலியைவிட
இவர்கள்
கைத் தட்டில் விழும்
சில்லரை ஒலியே மகிழ்விக்கும்!
இன்று எம்பள்ளி மாணவர்கள் கண்களுக்கு விருந்தாகவும்
என் கண்களுக்கு நீர் வார்த்த நிகழ்வாகவும்
இருந்த சர்க்கஸ்,சர்க்கஸ்
இருக்கவேண்டுமா!
என்ற இறுக்கம் என்னுள் எப்போதும் இருக்கும்!
Saturday, October 27, 2018
Circus... circus
Subscribe to:
Post Comments (Atom)
No comments:
Post a Comment